Quen Somos
Unha empresa nacida da necesidade da xente. De verdadeira cercanía.
Por que naceu Fibrablanca?
Nacemos para darlle a volta ao de sempre. Surgimos dese cansazo que todos compartimos ao tratar con grandes operadoras pesadas e lentas, onde non es máis que un número esperando nunha liña.
E sabémolo de primeira man porque estivemos "do outro lado". Durante anos xestionamos a franquía dunha gran operadora no Porriño. Víamos a diario como os nosos veciños chegaban desatendidos: facturas cheas de trampas, conexións que prometían voar pero se arrastraban, e pequenos comercios paralizados. Pero o que colmou o vaso foi a nosa propia frustración: a marca darnos tan pouco control e tan poucas ferramentas que nos tiñan cosas mans atadas. Era imposible axudar de verdade á xente que entraba pola nosa porta.
Cansados desa inercia e de non poder dar a cara polos nosos veciños, decidimos crear a solución nós mesmos. Fibrablanca é a nosa resposta: unha operadora rápida, intelixente e, sobre todo, humana. Sen rodeos, sen letra pequena e falando o teu mesmo idioma.
"Queremos recuperar esa cercanía coa xente. Que sepan que detrás hai unha persoa real."
— Fundador de Fibrablanca
O bo de ser locais: facemos as cousas pensando en ti.
Fibra que Cumpre
Esquece das conexións a medias. Garantimosche a velocidade que contratas para que goces do teu internet sen cortes e ao máximo rendemento.
Sen Letra Pequena
Acabouse o mirar a factura con medo. O prezo que firmas hoxe é o que mantés. Todo claro desde o primeiro minuto e sen ataduras ocultas.
Trato de Veciños
Non falamos mediante robots nin guións automáticos. Atendémoste desde aquí, coñecendo a túa zona e falando o teu mesmo idioma.
Valor Real
Deseñamos tarifas con sentido común. Inves tes nun servizo de primeira calidade e na tranquilidade de saber que sempre damos a cara por ti.
Detrás da liña hai persoas, non máquinas
En Fibrablanca non somos unha multinacional sen rostro. Non derivamos a túa chamada a milleiros de quilómetros nin che lemos guións robóticos para saír do paso.
Somos de aquí, da provincia de Pontevedra. Pisamos as mesmas rúas e coñecemos a nosa zona de primeira man. Cando chamas, sabemos quen es e entendemos o que necesitas. Importasnos de verdade.
O noso compromiso é que goces da túa conexión con total tranquilidade. Non tes que enfrontarte a interminables esperas nunha centralita para falar connosco. Estamos sempre preto, facemos seguimento do teu servizo e, se nalgún momento necesitas atención urxente ou especial, estou aquí persoalmente para dar a cara.
Que significa cercanía real?
Coñecémoste polo teu nome
Non es un número de contrato nunha base de datos. Es María do piso terceiro, o bar da esquina, o taller que abre os domingos.
Estamos aquí mesmo
Operamos desde a provincia de Pontevedra, xestionando todo dende casa. E como che dicíamos, se a situación o require e necesitas atención urxente, desprázome persoalmente para axudarte. Sen intermediarios afastados.
Falámosche claro e sen rodeos
Fuximos da xerga corporativa. Explímache as cousas de forma sinxela, de persoa a persoa, para que sempre saibas exactamente que tes contratado e como sacarlle o máximo partido, con total transparencia.
Apetéceche coñecernos?
Estamos en Mos, na provincia de Pontevedra. Podes pasar por aquí, chamarnos, ou simplemente saudarnos se nos cruzamos pola rúa. Así de cercanos somos.